يوميات دكتور بيطرى

سيادتى آنساتى سادتى نقدم لكم على الهواء مباشرة من مجمع مزارع الفرخة الشقية اللى ما عادتش شقية خالص
ونتشرف حضراتكم باستضافة احدى الفرخات واللى يعينى عمالة تعطس وترشح ومش لاقية حتى ولو حباية فلورست أو اى حاجة تفك أزمتها.
ولما سالنا الفرخة اية اللى حصلت يا ست كوكى وانا بدلعها تقولى خلاص يا عبدو لا بقيت كوكى ولا عاد كل الناس يحبونى زى الاول انا بقيت بعبعععع للناس كلها.
قمت قلتلها لية كدة يا كوكى الاحباط والاكتئاب دة فكى يا بت وخليكى فريش كدة وقومى العبى استغماية مع صحابك
قالتلى يا عبدو بقى انت مش شايف حالتى وانت الدكتور بتاعى وانت اللى متابع معايا الحالة من الاول
قلت اخ دنا نسيت انك بتودعى يا كوكى ما كنش يومك يا كوكى

قالتلى كلة من التحصين المضروب اللى أندس فى المية واندحك علينا بية

قلتلها عيب كدة يا كوكى دى الناس كانت ناوية خير

قالتلى خير مين يا ابوخير ولا استورد دوا وتحصينات وارمى هنا تقولش هنا مقلب زبالة

يعنى الفراخ الاووبية والامريكية ولاد فراخ وانا بنت كلب

قلت لا لا يا كوكى ما تقوليش كدة وبعدين بلاش عصبية

قامت قالت عمرك سمعت عن فرخة داخت وراحت للدكتور فى امريكا او بريطانيا

قلتلها الصراحة لا يا كوكى

قلت شوفت يا عبدو اننا مضطهدين هنا خلاص انا حلم هدومى واهاجر على امريكا او استراليا

قلتلها انتى حتسبينى يا كوكى بعد العمر دة كله معقول يهون عليكى الوقت اللى قضيناه سوا طول الدورة يا مفترية يا ناكرة للجميل 38 يوم مع بعض وتبيعينى كدة

قالتى ليا عيب عليك يا عبدو انا اول ما اروح حشترى موبايل وارن عليك و انمسد على بعض وحظبت وصلة نت وحكلمك على المسينجر ليل نهار وحدلعك وافتحلك الكام كمان
قلت انتى اصيلة يا بت يا كوكى
يلا بقى اقوم اجهز نفسى علشان الطيارة معادها قرب
يلا يا كوكى خلصى كوكىىىىى ما بترديش لية
كوكىىىىىىىىىىىىىىىىىىى
كوكى راحتت وماتت وهى بتجهز البؤجة بتاعتها خلاص ماتت كوكى

مكنش يومك يا كوكى مين حيملى فراغك يا كوكى ومين حيملى عليا المزرعة يا كوكى من بعدك ومين حيكاكى ويشرب التحصينات المضروبة
كان معكم عبوددد على حدود مزارع الفرخة الشقية اللى ما بقتش شقية خالص